Haqqımızda

«Royal Hotel» - 4 ulduzlu otel kompleksidir. Bu kompleksin layihəsi beynəlxalq standartlara uyğun qaydada tərtib olunub. Otel 2012-ci ilin mart ayında istifadəyə verilib. Otel gözəl fasadı olan, kaskad tipli, müasir, 4 mərtəbəli binadır. Otel hava limanından 20 dəqiqəlik məsafədə və şəhər mərkəzinə çox yaxın ərazidə yerləşir.

«Royal Hotel» biznes şəhərciyində yerləşdiyindən qonaqlar üçün əlavə üstünlüklər yaradır.

Otelin 46 müxtəlif tipli otaqları vardır. Bunlara standart və suit otaqlar aiddir. Otaqlar mini-bar, telefon, 65 kanallı LCD televizor, yüksək sürətli wi-fi internet şəbəkəsi, rahat və komfortlu yataq və oturma dəsti, saç qurudan, mərkəzi isitmə sistemi və split tipli istimə-soyutma sistemi ilə təmin olunmuşdur.

Bundan əlavə qonaqlarımıza hava limanı transferi, şəhər və şəhər ətrafı turların təşkili, resepşn xidmətləri, otaq servisi, camaşırxana, ütü servisi, təmizlik xidməti və s. təqdim olunur.

Otelimizin birinci mərtəbəsində, xüsusi göz oxşayan, yerli və avropa mətbəxini təklif edən «Royal» restoran da 07:00-dan 01:00-a qədər xidmətinizdədir.

Otelimizdə həmçinin yorğun iş günlərindən və uzun səyahətdən sonra dincəlmək üçün müasir standartlara cavab verən hamam kompleksi də fəaliyyət göstərir. Kompleksdə Siz sauna, hovuz, buxar otağı, türk hamamı, duz otağı kimi guşələrdən və müxtəlif növ masaj, kisə, süpürgələmə və s. xidmətlərdən yararlana bilərsiniz.

Otelimizin önündə 24 saat video müşahidə kameralarıyla mühafizə olunan avtodayanacaq da fəaliyyət göstərir. Otelin yanğına və digər hallara qarşı müasir standartlara cavab verən siqnalizasiya sistemi, 24/7 kamera müşahidə sistemi və mühafizə xidməti də fəaliyyət göstərir.

Xidmətlərimiz

Bizimlə Əlaqə

Haqqımızda

Haqqımızda

FOTO: